«МЕКТЕПКЕ ЖОЛ» республикалық қайырымдылық акциясы
Әлеуметтік жағынан қорғалмаған отбасы балаларына қолдау көрсету мақсатында дәстүрге айналған «Мектепке жол» республикалық акциясы биыл «Жақсылық жаса!» атты ұранмен өткізілуде.
Акцияның мақсаты – аз қамтылған және көп балалы отбасылардан шыққан, жетім балалар мен ата-анасының қамқорлығынсыз қалған оқушыларға жаңа оқу жылына дайындық кезеңінде және әлеуметтік себептер бойынша балалардың мектепке бармауының алдын алу үшін әлеуметтік көмек көрсету.
Осыған орай Алматы қаласы Медеу ауданы №77 жалпы білім беретін мектепте 2024 жылдың 1 тамызы мен 30 қыркүйек аралығында «Мектепке жол» акциясы ұйымдастырылды.
«Мектепке жол» республикалық акциясының өткізіліп жатқандығы және демеуші жұмылдыру мақсатында мектеп сайтына, әлеуметтік желілерге хабарландыру берілді .
«Мектепке жол» қайырымдылық акциясы бойынша жалпыға бірдей білім беру қорынан жиырма төрт оқушыға ақшалай көмек көрсетілді, сонымен қатар демеуші есебінен он оқушыға мектеп формасы, аяқ киім және кеңсе тауарлары сыйға тартылды.
Республикалық акцияға демеуші болып, оқушыларға қайырымдылық жасап, қуанышқа бөленулеріне себепкер болуға шақырамыз.